Yuxarı

Xətai rayonunda qəza olub, avtomobil yoldan çıxaraq parkın ərazisinə girib - FOTO

Dövlət Yol Polisi əməkdaşları hadisə yerində araşdırma aparırlar

Bakı. 15 iyul. REPORT.AZ/ Bakının Xətai rayonunda yol-nəqliyyat hadisəsi baş verib. 

“Report”un hadisə yerində olan əməkdaşı xəbər verir ki, "Hyundai" markalı avtomobil dönmə manevri edən zaman hərəkətdə olan "Opel” markalı avtomobillə toqquşub. Hadisə nəticəsində "Opel" markalı avtomobilin sürücüsü idarəetməni itirib və maşın yolun hərəkət hissəsindən çıxaraq Xocalı abidəsinin yerləşdiyi parkın ərazisinə girib. 

Hadisə nəticəsində parkın həmin ərazisində insanlar olmadığından xəsarət alan olmayıb, avtomobillərə və parkın Xocalı abidəsi yerləşdiyi əraziyə ciddi ziyan dəyib.

Dövlət Yol Polisi əməkdaşları hadisə yerində araşdırma aparırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi