Yuxarı
    Bağlamaq

    ​Xarkovda azərbaycanlı sürücü 22 yaşlı qızı vurub

    Hadisə yerindən qaçan soydaşımız digər sürücü tərəfindən saxlanılıb

    Bakı. 4 mart. REPORT.AZ/ Ukraynanın Xarkov şəhərində 20 yaşlı həmyerlimizin iştirakı ilə yol-nəqliyyat hadisəsi baş verib.

    "Report" Ukrayna mətbuatına istinadən xəbər verir ki, hadisə bazar ertəsi günorta saatlarında Blüxer küçəsində, Əczaçılıq Universitetinin yaxınlığında qeydə alınıb.

    Ukrayna Dövlət Avtomobil Müfəttişliyinin Xarkov vilayəti üzrə İdarəsinin Profilaktika şöbəsinin baş müfəttişi Oleq Nikonenkonun məlumatına görə, "VAZ 2107" markalı avtomobil 22 yaşlı qızı vuraraq təşvişə düşüb və hadisə yerindən qaçmaq qərarına gəlib. Lakin hadisə şahidi olan digər "VAZ 2107"nin 42 yaşlı sürücüsü onu təqib etməyə başlayıb və Akademik Pavlov küçəsində həmyerlimizin qarşısını kəsərək hadisə yerinə milis çağırıb.

    Müəyyən olunub ki, Azərbaycan əsilli şəxs Xarkov universitetlərindən birinin tələbəsidir.

    Qəza nəticəsində qız baldırının sınığı və qapalı kəllə-beyin travması alıb.

    Hazırda yol-nəqliyyat hadisəsinin başvermə səbəbləri araşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi