Bakıda liftin düşməsi nəticəsində xadimənin ölümünə görə tutulan şəxslər məhkəmədə dindiriliblər

Bakıda liftin düşməsi nəticəsində xadimənin ölümünə görə tutulan şəxslər məhkəmədə dindiriliblər Bakı. 7 yanvar. REPORT.AZ/ Bu gün Bakı Ağır Cinayətlər Məhkəməsində paytaxtda liftin düşməsi nəticəsində xadimənin ölməsinə görə həbs edilən “Nəsimi-3” Mənzil Mülkiyyətçilərinin Müştərək Cəmiyyətinin İdarə Heyətinin sədri Soltanməcid Əzizov və Çingiz Şıxəliyevin cinayət işi üzrə məhkəmə iclası davam etdirilib.
Hadisə
553
7 Yanvar , 2019 14:56
Bakıda liftin düşməsi nəticəsində xadimənin ölümünə görə tutulan şəxslər məhkəmədə dindiriliblər
0 : 00
0 : 00

Bakı. 7 yanvar. REPORT.AZ/ Bu gün Bakı Ağır Cinayətlər Məhkəməsində paytaxtda liftin düşməsi nəticəsində xadimənin ölməsinə görə həbs edilən “Nəsimi-3” Mənzil Mülkiyyətçilərinin Müştərək Cəmiyyətinin İdarə Heyətinin sədri Soltanməcid ƏzizovÇingiz Şıxəliyevin cinayət işi üzrə məhkəmə iclası davam etdirilib.

"Report"un məlumatına görə, hakim İradə Həsənzadənin sədrliyi ilə keçirilən prosesdə dövlət ittihamçısı ittiham aktını elan edib.

Elan olunmuş ittiham üzrə S.Əzizov özünü təqsirli bildiyini, digəri isə özünü təqsirli bilmədiyini deyib.

Daha sonra təqsirləndirilən S.Əzizov sərbəst ifadə verib. O söyləyib ki, həmin binanın əvvəl komendantı işləyib, sonra cəmiyyət yaradıb: "Çünkü binanın vəsaitini yığa bilmirdim. Orada olan bütün işləri özüm tək görürdüm. Həmin gün mərhum Mahirə Yusifova evə tez getmək istədiyini bildirdi. O, buna görə işi tələsik görməyə çalışırdı. Mərhuma tapşırdım ki, şaxtaya girməsin, çünki biz Çingizlə lifti təmir edirdik. Çingizi isə işlər ağır olan vaxtlar çağırırdım".

S.Əzizov qeyd edib ki, hadisə baş verən bina 2002-ci ildə tikilib, 2004-cü ildə isə təhvil verilib.

Prosesdə digər təqsirləndirilən Ç.Şıxəliyev də dindirilib. Onun sözlərinə görə, hadisə günü S.Əzizov onu lifti təmir etmək üçün binaya çağırıb: "Mən Soltanməcidə kömək üçün gəlmişdim. Lifti əvvəl düzəltdik, sonra yuxarı qaldırdı, aşağı endirən zaman dayanmadı. Nə qədər etdimsə, mümkün olmadı. Hələ praktikamda liftlə bağlı belə hal görməmişdim. Mərhumun şaxtada olduğunu da bilmirdim. Çünkü Soltanməcid demişdi ki, aşağıda heç kəs yoxdur".

Sualları cavablandıran Ç.Şıxəliyev söyləyib ki, 1976-cı ildən 1994-cü ilə qədər liftdə çalışıb, bu işlə bağlı lisenziyası yoxdur: "Sonra bir müddət Rusiyaya getdim, orada çalışdım. Rusiydan qayıdandan sonra heç kəs işə götürmədi, işsiz qaldım. Mən də lisenziyasız çalışırdım".

Məhkəmədə zərərçəkmişin hüquqi varisi, mərhum Mahirə Yusifovanın qardaşı Arif Yusifov ifadə verib. O, təqsirləndirilən şəxslərdən şikayətçi olmadığını, həmin şəxsləri bağışladığını bildirib: "Onlara yüngül cəza verilsin. Bunlar həbsdə qalsa, guya bacım geri qayıdacaq? Şikayət və tələbim yoxdur".

Məhkəmənin növbəti iclası yanvarın 21-nə təyin edilib.

Qeyd edək ki, rəsmi məlumata əsasən, ötən il oktyabrın 4-ü saat 12:00 radələrində paytaxtın Nəsimi rayonu ərazisində yerləşən, “Nəsimi-3” Mənzil Mülkiyyətçilərinin Müştərək Cəmiyyəti tərəfindən idarə olunan 10 mərtəbəli yaşayış binasında cəmiyyətin idarə heyətinin sədri S.Əzizovun texniki təhlükəsizlik qaydalarına əməl etmədən verdiyi göstərişi əsasında lift təmir edilərkən kabinanın 9-cu mərtəbədən şaxtada təmizlik işləri aparan Mahirə Yusifovanın üstünə düşməsi nəticəsində sonuncu aldığı xəsarətlərdən hadisə yerində vəfat edib.

Rayon prokurorluğunun və rayon Polis idarəsinin əməkdaşları dərhal həmin ünvana gedərək məhkəmə-tibb ekspertinin iştirakı ilə hadisə yerinə və meyitə baxış keçirib, şahidlər dindirilib və digər zəruri prosessual hərəkətlər yerinə yetirilib.

Fakta görə rayon prokurorluğunda Cinayət Məcəlləsinin 314.2-ci (Səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb, müvafiq ekspertizalar təyin edilib.

S.Əzizov iş üzrə şübhəli şəxs qismində tutularaq istintaqa cəlb edilib. Daha sonra Ç.Şıxəliyev də saxlanılıb.

İstintaq orqanları tərəfindən onların barəsində Cinayət Məcəlləsinin 222.3-cü (tikinti, mədən işlərinin və sair işlərin aparılmasının təhlükəsizlik qaydalarını pozma, eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi irəli sürülüb.

Son xəbərlər

Orphus sistemi