Yuxarı

Xaçmazın Mərkəzi bazarında yanğın olub

Yanğın saat 00:38-də söndürülüb

BAKI. 23 yanvar. REPORT.AZ/ Xaçmaz şəhərinin Mərkəzi bazarında beş anbar yanıb. "Report"un Fövqəladə Hallar Nazirliyinin (FHN) rəsmi saytına istinadən məlumatına görə, ümumi sahəsi 2000 kv.m olan Mərkəzi bazarın ərazisində yanğın baş verib.

Nəticədə vətəndaşlara məxsus bir-birinə bitişik tikilmiş ümumi sahəsi 25 kv.m olan anbarın dam örtüyünün yanar konstruksiyaları və içərisinə yığılmış mallar, digər ümumi sahəsi 45 kv.m olan anbarın dam örtüyü 45 kv.m və içərisinə yığılmış mallar 10 kv.m sahədə, ümumi sahəsi 25 kv.m olan anbarın dam örtüyünün yanar konstruksiyaları və içərisinə yığılmış mallar 5 kv.m sahədə, ümumi sahəsi 45 kv.m olan anbarın dam örtüyünün yanar konstruksiyaları, ümumi sahəsi 25 kv.m olan anbarın dam örtüyünün yanar konstruksiyaları 25 kv.m sahədə yanıb. Digər bitişik tikilmiş anbarlar yanğından mühafizə olunub.

Yanğın saat 00:38-də yanğınsöndürənlər tərəfindən söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi