Xaçmazda minik maşını beton maneəyə çırpılıb, sürücü xəsarət alıb

Xaçmaz. 12 sentyabr. REPORT.AZ/ Xaçmaz rayonunun Çarxı kəndində "VAZ" markalı minik avtomobili beton maneəyə çırpılıb.

“Report”un yerli bürosu xəbər verir ki, bu barədə məlumat FHN-in Böhran Vəziyyətlərində İdarəetmə Mərkəzinə daxil olub.

Məlumata əsasən, hadisə yerinə cəlb olunmuş Şimal Regional Mərkəzinin müvafiq xilasetmə qüvvələri avtomobildə sıxılmış vəziyyətdə qalmış sürücünü deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.