Xaçmazda fərdi yaşayış evində qadın meyiti tapılıb

Bakı. 30 yanvar. REPORT.AZ/ Axşam saatlarında Xaçmaz şəhərində fərdi yaşayış evində qadın meyiti tapılıb.
“Report” xəbər verir ki, 1942-ci il təvəllüdlü Pənahova Gülxanım Həmid qızı bağlı qapı arxasında qalıb. Dərhal nazirliyin Şimal Regional Mərkəzinin xilasediciləri hadisə yerinə cəlb olunaraq yaşayış evinin qapısını açıb və G.Pənahovanın meyitini aşkar edib. Qadının cəsədi aidiyyəti üzrə təhvil verilib.