Xaçmazda 22 yaşlı qız döyülüb

Xaçmaz rayonunda döyülmə hadisəsi baş verib.

"Report"un Şimal bürosunun məlumatına görə, hadisə rayonun Çarxı kəndində qeydə alınıb.

Belə ki, Xaçmazın N.Nərimanov küçəsi, bina 70A ünvanında yaşayan, 1999-cu il təvəllüdlü Əzimova Xanım Kənan qızı kafedə tanımadığı şəxs tərəfindən döyülüb.

X.Əzimova Xaçmaz Mərkəzi Rayon Xəstəxanasına çatdırılıb. Ona burun sümüyünün qapalı sınığı, döş qəfəsinin əzilməsi diaqnozu qoyulub.

Hazırda hadisənin təfərrüatı dəqiqləşdirilir.

Faktla bağlı araşdırma aparılır.