Velosiped oğurlayan şəxslər tutulub

Bakı. 17 avqust. REPORT.AZ/ Bakı şəhərinin Səbail rayonunda velosiped oğurlayan şəxslər tutulub. "Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, Səbail Rayon Polis İdarəsinin 9-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Paşa İsmayılov və Kamran Hüseynzadəyə məxsus velosipedləri soyğunçuluq yolu ilə almış Bakı şəhər sakinləri Etibar Həsənov və İlqar Əliyev tutulub.

Faktla bağlı araşdırma aparılır.