Yuxarı

Vəkil: "Adil Hüseynovun səhhətində problemlər var və o, əməliyyat olunmalıdır"

Ailəsinin göndərdiyi dərmanlar ona çatdırılıb

Bakı. 18 may. REPORT.AZ/ Azərbaycan Beynəlxalq Bankının Dubay filialının həbs edilmiş rəhbəri Adil Hüseynovun səhhətində problemlər var. Bu barədə "Report"a Adil Hüseynovun vəkili Kamandar Nəsibov məlumat verib.

Vəkil bildirib ki, Adil Hüseynov həbs olunmamışdan bir neçə gün əvvəl əməliyyat olunub: "Hazırda Adil Hüseynov xəstədir və o, yenidən əməliyyat olunmalıdır. Ailəsinin göndərdiyi dərmanlar ona çatdırılıb".

K.Nəsibov A.Hüseynovla görüşlə bağlı artıq rəsmi qaydada order və sənədlər təqdim edildiyini də əlavə edib. Vəkil həbslə bağlı apellyasiya şikayəti vermək fikrində olmadıqlarını da bildirib.

Qeyd edək ki, Adil Hüseynov 318 milyon dollar mənimsəməkdə ittiham olunur. Onun barəsində Nərimanov Rayon Məhkəməsinin qərarı ilə 4 ay müddətinə həbs-qətimkan tədbiri seçilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi