Yuxarı

Ukraynada yol kənarında qarpız satan azərbaycanlını maşın vuraraq öldürüb - FOTO

​Ukraynada yol kənarında qarpız satan azərbaycanlını maşın vurub

Axşam saatlarında Odessa-Kiyev yolunda Azərbaycan vətəndaşının ölümü ilə nəticələnən yol-nəqliyyat hadisəsi baş verib.

“Report”un məlumatına görə, bu barədə Milli Polisə istinadən UNN məlumat yayıb.

Bildirilir ki, sözügedən yol ilə Odessadan gələn "Mercedes" markalı avtomobil idarəetməni itirərək qarşı zolağa çıxıb, oradan isə yol kənarında çadır quraraq qarpız satan Azərbaycan vətəndaşını və alıcı qadını vurub. Zərərçəkmişlər hadisə yerində keçiniblər.

"Qadın və kişi aldığı xəsarətlərdən yerində ölüb. Sürücü müxtəlif dərəcəli xəsarətlərlə xəstəxanaya yerləşdirilib", - deyə polisin məlumatında qeyd olunub.

Hadisə yerində yol-nəqliyyat hadisələrinin araşdırılması üzrə istintaq-əməliyyat qrupu işləyir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi