Yuxarı
    Bağlamaq

    Ukraynada azərbaycanlı tələbənin qətlinin detalları məlum olub

    Cinayətkar artıq saxlanılıb

    Kiyev. 28 sentyabr. REPORT.AZ/ Ukraynada azərbaycanlı tələbə Məhəmməd Səfərəliyevin qətlinin detalları məlum olub.

    Mərhumun dostu Rüfət Rəhmanovun "Report"un Ukrayna bürosuna verdiyi məlumata görə, qətl hadisəsi Simferopol şəhərində Rıleyeva 4 küçəsində, V.İ.Vernadski adına Krım Federal Universitetinin Tavriya Akademiyasının tələbə yataqxanasının binası yaxınlığında törədilib.

    "Onu ya iranlı, ya da ərəb qətlə yetirib. Bildiyim qədəri ilə daha əvvəl həmin şəxslə aralarında münaqişə yaşanmışdı. Bu il azərbaycanlı tələbələrə qərəzli münasibət göstərirdilər, yataqxana komendantı onları yerləşdirməkdən imtina edirdi. Məhəmmədin qaldığı otağa daha əvvəl münaqişə yaşadığı şəxsi yerləşdirdilər. İki gün əvvəl aralarında hətta əlbəyaxa dava olmuşdu. Həmin o iranlı və ya ərəb dünən yataqxananın yaxınlığında onu bıçaqlayıb", - deyə Rüfət Rəhmanov bildirib.

    O qeyd edib ki, əldə etdiyi məlumata görə, cinayətkar artıq saxlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi