Bakı. 4 may. REPORT.AZ/ Xarkov məhkəməsi yeniyetməni məhkəmə binasına daxil olmaq və oradan cinayət işi materiallarını oğurlamağa təhrik etməkdə ittiham olunan azərbaycanlını beş il müddətinə azadlıqdan məhrum edib.
"Report" xəbər verir ki, bu barədə Xarkov şəhərinin Kominternovsk rayon məhkəməsinin məlumatında bildirilir.
Xatırladaq ki, insident 4 fevral 2014-cü il tarixində baş verib.
Ukrayna
Hüquq-mühafizə orqanları hadisə yerində birinci mərtəbənin dəmir çərçivəsinin qırıldığını və pəncərənin açıq olduğunu aşkar ediblər. Müəssisəyə baxış zamanı milis əməkdaşları cinayət işləri otağından sənəd oğurlamaq istəyən gənc oğlanı yaxalayıblar. Yeniyetmə hadisə yerinə tək gəlmədiyini və əlbir olduğu yoldaşının onu yaxınlıqda gözlədiyini etiraf edib.
Müttəhim öz günahını etiraf edib.