Yuxarı

​Ukraynada 55 yaşlı Azərbaycan vətəndaşı quldur hücumuna məruz qalıb

O, evinə basqın edənlər tərəfindən döyülərək soyulub

Bakı. 16 avqust. REPORT.AZ/ Ukraynanın Poltava Şəhər Məhkəməsi 55 yaşlı Azərbaycan vətəndaşına qarşı quldur hücumu etmiş 4 şəxsə dair ittiham aktını məhkəməyə göndərib.

"Report" xəbər verir ki, bu barədə Poltava vilayəti prokurorluğunun mətbuat xidmətinə istinadən UNN məlumat yayıb.

Məlumata görə, iki qadın azərbaycanlının kirayə qaldığı evə gəlib. Sonradan onlardan biri mənzili müvəqqəti olaraq tərk edib və geri iki kişi ilə qayıdıb. Çağırılmamış qonaqlardan biri zərərçəkmişi döydüyü zaman, hadisənin digər iştirakçıları mənzili axtarmaqla məşğul olub. Mənzildən 100 ABŞ dolları, mobil telefon, dərman, geyim və zərərçəkmişin digər şəxsi əşyalarını götürən canilər, oranı tərk ediblər. Yekunda onlar hüquq-mühafizə orqanları tərəfindən yaxalanıb.

Onların hamısı Ukrayna Cinayət Məcəlləsinin 187-ci maddəsinin 3-cü hissəsi üzrə, yəni qabaqcadan əlbir olaraq zorakılıq yolu ilə başqasının əmlakını mənimsəmək üçün hücum təşkil etməkdə ittiham olunurlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi