Yuxarı
    Bağlamaq

    ​Ukraynada 54 yaşlı azərbaycanlı ağır yol qəzası nəticəsində dünyasını dəyişib

    Qəza Kipti-Qluxov-Baçevsk avtomobil yolunun 127 kilometrliyində qeydə alınıb

    Bakı. 4 yanvar. REPORT.AZ/ Yanvarın 2-də səhər saat 8 radələrində Ukraynanın Baturin şəhəri yaxınlığında, Kipti-Qluxov-Baçevsk avtomobil yolunun 127 kilometrliyində "Fredlayner" markalı yük maşını ilə BMW markalı minik avtomobilinin toqquşması ilə nəticələnən ağır yol qəzası baş verib.

    "Report" xəbər verir ki, yol-nəqliyyat hadisəsi nəticəsində minik avtomobilinin Rumıniya vətəndaşı olan sürücüsü, həmçinin 54 yaşlı azərbaycanlı və Moldova vətəndaşı olan sərnişinləri hadisə yerində keçiniblər.

    Qəza yerinə gələn Baturin şəhər yanğın-xilasetmə bölməsinin əməkdaşları qəza nəticəsində avtomobildə sıxılıb qalmış cəsədləri çıxarmaq üçün xüsusi avadanlıqlardan istifadə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi