Yuxarı

​Ukrayna-Rusiya sərhədində Azərbaycan vətəndaşı saxlanılıb

O, qanunsuz olaraq Rusiya ərazisinə keçməyə cəhd göstərib

Bakı. 25 oktyabr. REPORT.AZ/ Ukraynanın Xarkov sərhəd dəstəsinin əməkdaşları Rusiyaya gedən yolda dövlət sərhədlərini qanunsuz olaraq keçməyə cəhd göstərən avtomobili saxlayıblar. Avtomobildə Azərbaycan vətəndaşı da olub.

"Report" xəbər verir ki, bu barədə sözügedən sərhəd dəstəsinə istinadən "Ukrinform" məlumat yayıb.

"Gecə Qotişe kəndi yaxınlığında, "Volçansk" şöbəsinin məntəqəsində Rusiya ilə sərhəd istiqamətində hərəkət edən "VAZ" markalı avtomobil aşkar edilib. Maşını Ukrayna vətəndaşı idarə edib. Avtomobildə, həmçinin iki özbək və bir Azərbaycan vətəndaşı olub", - deyə məlumatda qeyd edilib.

Sürücü bildirib ki, əcnəbiləri naməlum şəxsin təklif etdiyi 5 min Rusiya rublu müqabilində sərhəd xəttinə qədər aparmağa razılıq verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi