Ucarda minik avtomobili ilə yük maşını toqquşub, ölən var

Ucar rayonunda yol qəzası olub.

Bu barədə "Report"a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, fevralın 15-də saat 14 radələrində rayonun Müsüslü kəndi ərazisində Şəmkir rayon sakini E.Həsənovun idarə etdiyi “Volvo” markalı minik və Göyçay rayon sakini C.Hacıyevin idarə etdiyi “İsuzu” markalı yük avtomobilləri toqquşub. Nəticədə E.Həsənov aldığı xəsarətlərdən hadisə yerində ölüb.

DİN Baş İstintaq və Təhqiqat İdarəsi tərəfindən araşdırma aparılır.