Ucarda 2.5 hektar ərazidə yanğın olub - VİDEO

Ucar rayonunun Qarabörk kəndində yerləşən bələdiyyəyə məxsus ərazidə yanğın baş verib.

"Report"un Şirvan bürosunun xəbərinə görə, yanğının söndürülməsi üçün hadisə yerinə FHN-in Ucar və Göyçay Dövlət Yanğından Mühafizə hissəsinin texnikası və canlı qüvvəsi cəlb olunub.

Yanğın zamanı bələdiyyəyə məxsus 2.5 hektar ərazidə ki, kolluq sahə yanıb. Hava küləkli olsa da, yanğının qarşısını almaq mümkün olub.

Faktla bağlı araşdırma aparılır.