Yuxarı

Üç nəfərin ölümünə səbəb olan sürücü məhkəmə zalında həbs olunub

O, 9 il müddətinə azadlıqdan məhrum edilib

Bakı. 18 dekabr. REPORT.AZ/ Bu gün Bakı Ağır Cinayətlər Məhkəməsində ölümlə nəticələnən ağır yol-nəqliyyat hadisəsi törətməkdə təqsirli bilinən Vitali Sarayevin cinayət işi üzrə məhkəməsi başa çatıb.

"Report"un məlumatına görə, hakim Mirzə Xankişiyevin sədrliyi ilə keçirilən prosesdə hökm oxunub. Hökmə əsasən, Vitali Salayev 9 il müddətinə azadlıqdan məhrum edilib. Onun barəsində heç yerə getməməklə bağlı iltizam ləvğ edilib, barəsində həbs qətimkan tədbiri seçilib. V.Salayev məhkəmə zalında həbs edilib.

Qeyd edək ki, hadisə bu il martın 19-na keçən gecə saat 00.30 radələrində Sumqayıtda baş verib. Sumqayıt şəhər sakini Mövsüm Ataxanzadənin idarə etdiyi "QAZ-3110" və Bakı şəhər sakini Vitali Sarayevin idarə etdiyi "Toyota RAV-4" markalı avtomaşınlar toqquşub. Nəticədə M.Ataxanzadənin sərnişinləri Şükür Əliyev, Cavid Quliyev və 45-50 yaşlı kişi hadisə yerində ölüb. Onun özü və V.Sarayev isə ağır xəsarətlərlə xəstəxanaya yerləşdiriliblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi