Yuxarı
    Bağlamaq

    Türkmənistan sahillərində meyiti tapılan neftçinin şəxsiyyəti müəyyənləşib

    Bu, 1973-cü il təvəllüdlü Şahmarov Sahib Güloğlan oğludur

    Bakı. 30 yanvar. REPORT.AZ/ Bu gün Xəzərin Türkmənistan sahillərində meyiti tapılan neftçinin şəxsiyyəti müəyyənləşib.

    Cəsədin tanınması və respublikaya gətirilməsi məqsədilə bu gün Türkmənistana yola düşən istintaq qrupu üzvlərindən birinin “Report”a verdiyi məlumata görə, bu, “Günəşli” yatağındakı 10 saylı dərin dəniz özülündə taxta bənd işçisi vəzifəsində işləmiş 1973-cü il təvəllüdlü Şahmarov Sahib Güloğlan oğlunun meyitidir. Neftçinin nəşi yaxın saatlarda vətənə gətiriləcək.

    Qeyd edək ki, onun meyiti yanvarın 29-da aşkar edilib.

    Dekabrın 4-də "Günəşli" yatağının 10 saylı özülündə baş verən qəza nəticəsində 12 nəfər həlak olub, 18 nəfər isə hazırda itkin düşmüş sayılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi