Yuxarı
    Bağlamaq

    Türkiyədə qanunsuz yolla ölkəyə 1 mln. dollarlıq qiymətli daşlar keçirməyə çalışan Azərbaycan vətəndaşı saxlanılıb - VİDEO

    Azərbaycan vətəndaşı çay qutuları altından Türkiyəyə 5,5 kq zümrüd keçirməyə çalışıb

    Bakı. 4 iyul. REPORT.AZ/ İstanbulda ölkəyə qanunsuz yolla külli miqdarda qiymətli daşlar keçirməyə çalışan Azərbaycan vətəndaşı saxlanılıb.

    "Report" Türkiyə KİV-inə istinadən xəbər verir ki, qaçaqmalçılığa qarşı mübarizə şöbəsi İstanbulun Sabiha Gökçen hava limanında çay paketlərində 5,5 kq zümrüdü Türkiyə ərazisinə keçirməyə çalışan şəxsi saxlayıb. Azərbaycan vətəndaşı olan həmin şəxsin keçirmək istədiyi qiymətli daşların ümumi dəyəri isə təqribən 1 milyon dollar məbləğində olub.

    Saxlanılan şəxsin qiymətli daşları qaçaqmalçılıq yolu ilə BƏƏ-dən gətirən mütəşəkkil cinayətkar qrupun üzvü olduğu ehtimal olunur.

    Faktla bağlı istintaq başlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi