Yuxarı

Qaxda 30 yaşlı qadın ehtiyatsızlıq nəticəsində ağır xəsarət alıb

Türkən Orucova ikinci mərtəbədən yıxılıb

Qax. 6 yanvar. REPORT.AZ/ Qax şəhərində 30 yaşlı qadın ehtiyatsızlıq nəticəsində ağır xəsarət alıb.

“Report”un Şəki-Zaqatala bürosunun məlumatına görə, hadisə şəhərin Axundov küçəsində baş verib. 

Ev 30 ünvanında yaşayan, 1988-ci il təvəllüdlü Türkən Sədi qız Orucova evin ikinci mərtəbəsinin pəncərəsindən çöldə asılan qurudulmuş əti götürmək istəyərkən yıxılıb. Nəticədə o, müxtəlif dərəcəli bədən xəsarətləri alıb. T.Orucova yaxınlarının köməkliyi ilə Qax Mərkəzi Rayon Xəstəxanasına aparılıb.

Tibb müəssisəsindən “Report”a bildirilib ki, müayinə zamanı T.Orucovaya bir-neçə bel fəqərəsinin sınığı və aşağı ətrafların iflici diaqnozu qoyulub. Yaralının vəziyyəti ağır olduğundan o, müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.

Faktla bağlı araşdırma aparılır.

Daha əvvəl Qaxda 70 yaşlı kişinin meyiti aşkarlanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi