Türk Hava Yollarına məxsus təyyarə ildırım vurması səbəbindən məcburi eniş edib

Bakı. 3 yanvar. REPORT.AZ/ "Türk Hava Yolları"na (THY) məxsus İstanbul-Trabzon reysi ilə uçan təyyarə ildırım vurması səbəbi ilə İstanbulun "Sabiha Gökçen" Hava Limanına geri qayıdıb.

"Report"-un məlumatına görə, bu barədə Türkiyənin "NTV" telekanalı xəbər verib.

Məlumata əsəsən, "Sabiha Gökçen" Hava Limanından qalxdıqdan 10 dəqiqə sonra təyyarəni ildırım vurub və nəticədə hava gəmisi meqapolisə qayıdaraq məcburi eniş edib.