Yuxarı

​Türk hakerlər Rusiya səfirliyinin saytına Azərbaycan bayrağının fotosunu yerləşdiriblər - FOTO

Faktı Rusiya səfirliyi təsdiq edib

Bakı. 17 yanvar. REPORT.AZ/ Rusiyanın İsraildəki səfirliyinin rəsmi internet səhifəsi türk hakerlər tərəfindən dağıdılıb.

"Report" xəbər verir ki, bu barədə "Börteçine Siber Tim" haker qrupu öz "Facebook" səhifəsində məlumat yerləşdirərək saytın linkini paylaşıb.

Hakerlər səfirliyin saytına Türkiyə və Azərbaycan da daxil olmaqla müxtəlif türk dövlətlərinin bayrağını və Türkiyə dövlətinin yaradıcısı Mustafa Kamal Atatürkün şəkilini yerləşdiriblər. Şəkillərin yerləşdirildiyi slaydda türk hərbi marşı səslənir.

Səfirliyin mətbuat katibi Yevgeni Piskunov "İnterfax"a açıqlamasında həqiqətən saytın hazırda işləmədiyini bildirib. O bunun səbəblərinin məlum olmadığını qeyd edib və hazırda saytın bərpası istiqamətində iş aparıldığını diqqətə çatdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi