Yuxarı
    Bağlamaq

    Tovuzda Türkiyə vətəndaşını avtomobil vurub

    Koluklar Əhməd sürücüsü hələlik məlum olmayan avtomobil tərəfindən vurulub© Courtesy İmage

    Tovuz. 14 mart. REPORT.AZ/ Tovuz rayonunda Türkiyə vətəndaşının xəsarət alması ilə nəticələnmiş yol qəzası baş verib.

    "Report"un Qərb bürosunun məlumatına görə, hadisə axşam saatlarında Bakı-Qazax magistral yolunun Tovuz rayonunun Aşağı Əyyublu kəndindən keçən hissəsində baş verib.

    1991-ci il təvəllüdlü Türkiyə vətəndaşı Koluklar Məhəmmədəli Əhməd idarə etdiyi "TIR" markalı yük avtomobilini yolun kənarında saxlayaraq yaxınlıqdakı mağazaya getmək istəyib. Lakin o, yolu keçərkən sürücüsü hələlik məlum olmayan avtomobil tərəfindən vurulub.

    Yaralı yaxınlıqdakı insanların köməyi ilə xəstəxanaya aparılıb. Dərhal həkimlər tərəfindən əməliyyat edilən Koluklar Məhəmmədəli Əhmədin vəziyyəti orta-ağırdır.

    Faktla bağlı Tovuz Rayon Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi