Tovuzda avtomobil ağaca çırpılıb, ölən və yaralanan var - FOTO

Tovuzda ölümlə və xəsarətlə nəticələnən yol qəzası baş verib.

"Report"un Qərb Mərkəzinin məlumatına görə, hadisə Tovuz şəhərində, avtovağzal yaxınlığında qeydə alınıb. 

"VAZ-21099" markalı avtomobil idarəetmədən çıxaraq, yol kənarındakı ağaca çırpılıb. Qəza zamanı, Tovuz rayon sakinləri - 1985-ci il təvəllüdlü Mirzə Məhərrəm oğlu Yunanov və qonşusu, 1985-ci il təvəllüdlü Samir Novruz oğlu Musayev ağır xəsarət alaraq xəstəxanaya aparılıblar. S.Musayev aldığı xəsarətlərdən xəstəxanada ölüb. 

Faktla bağlı araşdırma aparılır.

Daha əvvəl Tovuzda sürücü ağır xəsarət alıb.