Tovuzda gənc oğlanı ilan sancıb

Tovuz rayonunda ilansancma hadisəsi baş verib.

"Report"un Qərb Mərkəzinin məlumatına görə, rayonun Dondar Quşçu kəndində 24 yaşlı yerli sakin Arif Abdullayevi sol ayağından ilan sancıb.

Yaxınları tərəfindən Tovuz rayon Mərkəzi Xəstəxanasına çatdırılan gəncə həkimlər tərəfindən tibbi yardım göstərilib. Onun vəziyyətinin kafi olduğu bildirilir.

Faktla bağlı araşdırma aparılır.