Bakı. 2 mart. REPORT.AZ/ Axşam saatlarında Tovuz rayonunda 5 mərtəbəli binanın sonuncu mərtəbəsində yanğın baş verib.
"Report" xəbər verir ki, Aybəniz Dəmirovaya məxsus mənzildə qeydə alınan yanğın nəticəsində iki nəfər tüstüdən zəhərlənərək Mərkəzi Rayon Xəstəxanasına yerləşdirilib.
Hadisə yerinə Fövqəladə Hallar Nazirliyinin Tovuz Rayon Dövlət Yanğından Mühafizə Hissəsinin 3 yanğınsöndürən maşını cəlb olunub. Yanğın söndürülüb.
Hadisənin hansı səbəbdən baş verdiyi hələ ki, məlum deyil.