Tovuz rayonunda yol qəzası baş verib.
"Report"un Qərb Mərkəzinin məlumatına görə, hadisə Xatınlı kənd yolunda qeydə alınıb.
Belə ki, "VAZ-21099" markalı minik avtomobili yoldan çıxaraq aşıb. Nəticədə 1999-cu il təvəllüdlü Quliyev Toğrul İlqar oğlu ölüb. Yusifov Azər Səməndər oğlu (1983) və Alıyev İdris İlqar oğlu (1999) isə müxtəlif dərəcəli bədən xəsarətləri alıblar. Yaralılar Tovuz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.