Tovuz. 9 sentyabr. REPORT.AZ/ Tovuzda baş verən qəzada xəsarət alan şəxslərin kimliyi məlum olub.
“Report”un Qərb bürosu xəbər verir ki, bunlar 1987-ci il təvəllüdlü Qasımov Bağban İlham oğlu, 1981-ci ildə anadan olmuş Məsimov Bəhman Mansir oğlu, 1982-ci il təvəllüdlü Həsənli Vuqar Fərzəli oğlu, 1978-ci ildə anadan olmuş İbadov Asif Əmir oğlu və 1987-ci il təvəllüdlü Məsimov Sədi Mansır oğludur.
Qəzaya uğrayan avtomobildə olan şəxslərin dərman firmasının işçiləri olduğu bildirilib.
*** 11:44
Tovuzda baş verən qəzada bir nəfərin ölməsi xəbəri təsdiqini tapmayıb.
“Report”un Qərb bürosunun məlumatına görə, hərəkətdə olan 60-BN-016 dövlət nömrə nişanlı "Hyundai" markalı avtomobilin aşaması nəticəsində 5 nəfər ağır yaralanıb.
Onlar xəstəxanaya yerləşdirilib.
Faktla bağlı araşdırma aparılır.
***
Tovuzda ağır yol-nəqliyyat hadisəsi baş verib.
“Report”un Qərb bürosunun məlumatına görə, hadisə Tovuz şəhərindəki yanacaqdoldurma məntəqəsinin yaxınlığında baş verib.
Qəza nəticəsində 1 nəfər ölüb, 4 nəfər yaralanıb. Xəsarət alan şəxslər xəstəxanaya yerləşdiriliblər. Yaralılardan birinin vəziyyəti ağırdır.