Tovuzda 60 yaşlı kişini maşın vurub

Tovuz. 1 sentyabr. REPORT.AZ/ Tovuzda piyadanın vurulması ilə nəticələnən yol-nəqliyyat hadisəsi baş verib.

"Report"un Qərb bürosunun məlumatına görə, Tovuz rayon Dondar Quşçu kənd sakini, 1957-ci il təvəllüdlü Telman İsa oğlu Hüseynov yolu keçmək istəyən zaman avtomobil onu vurub. Müxtəlif dərəcəli bədən xəsarətləri alan yaralı xəstəxanaya yerləşdirilib.

Faktla bağlı araşdırma aparılır.