Tovuzda qidadan zəhərlənən ailə evə buraxılıb - YENİLƏNİB-2

Tovuz rayonunda qidadan zəhərlənən ailə xəstəxanadan evə buraxılıb.

Bu barədə "Report"un Qərb Mərkəzi məlumat verir. 

---

*** 10:57

Tovuz rayonunda qidadan zəhərlənənlərin şəxsiyyəti məlum olub.

"Report"un Qərb Mərkəzinin məlumatına görə, onlar, 2011-cu il təvəllüdlü Rəvan Rəşad oğlu Əliyev, 2011-ci il təvəllüdlü Həsən Rəşad oğlu Əliyev, 2017-ci il təvəllüdlü Mehriban Rəşad qızı Əliyeva, 1986-cı il təvəllüdlü Məlahət Vaqif qızı Məmmədova və 1985-ci il təvəllüdlü Rəşad Əliyevdir. 

Onların balıqdan zəhərləndiyi ehtimal olunur.

Onlara tibbi yardım göstərilib və hazırda vəziyyətlərinin qənaətbəxş olduğu bildirilir.

Faktla bağlı araşdırma aparılır.

---

*** 10:49

Tovuz rayonunda 5 nəfər qidadan zəhərlənib.

"Report"un Qərb Mərkəzinin məlumatına görə, hadisə rayonun Bozalqanlı kəndində qeydə alınıb. 

İlkin məlumata görə, bir ailənin 5 üzvü qidadan zəhərlənib. Onlar xəstəxanaya aparılıblar.

Faktla bağlı araşdırma aparılır.