Tovuz. 12 iyul. REPORT.AZ/ Tovuz rayonunda 1 yaşlı uşağın üzərinə qaynar su ilə dolu olan qazan aşıb.
"Report"un Qərb bürosunun məlumatına görə, rayonun Bozalqanlı kənd sakini, 2016-cı il təvəllüdlü Tunar Ərəstun oğlu Hacıyev yaşadığı evdə nəzərətsiz qalıb və uşağın hələki bilinməyən səbəbdən üzərinə qaynar su ilə dolu qazan aşıb. Ağır yanıq xəsarətləri ilə xəstəxanaya aparılan uşağın bədəninin 25 faizi yanıb. Həkimlər tərəfindən göstərilən tibbi xidmətdən sonra reanimasiya şöbəsinə yerləşdirilib.
Xəstəxanadan "Report"un yerli bürosuna bildirilib ki, uşağın vəziyyəti ağırlaşdığından onu Respublika Yanıq Mərkəzinə köçürüblər.
Faktla bağlı araşdırma aparılır.