Tovuz sakini yük maşınının qoşqusunun altında qalaraq ölüb

Tovuz. 21 iyul. REPORT.AZ/ Tovuz rayon sakini yük maşınının qoşusunun altında qalıb. "Report"un Qərb bürosunun məlumatına görə, hadisə rayonun Çatax kəndi ərazisində qeydə alınıb. 
Belə ki, həmin kəndin sakini Məstan Hüseynovun idarə etdiyi "QAZ-53" marakalı avtomobillə hərəkətdə olan zaman maşının qoşqusu yerindən çıxaraq Habil Qafarovun üstünə aşıb. Yaralı Tovuz Rayon Mərkəzi Xəstəxanasına (RMX) aparılarkən yolda ölüb.
Faktla bağlı araşdırma aparılır.