Tovuz. 20 iyul. REPORT.AZ/ Tovuz rayonunun Böyük Qışlaq kənd sakini Habil Qafarov mərasimlərdə istifadə olunan soyuducunun altında qalıb.
"Report"un Qərb bürosunun məlumatına görə, onun üzərinə ehtiyatsızlıqdan soyuducu aşıb. Yaralı dərhal Tovuz Rayon Mərkəzi Xəstəxanasına (RMX) çatdırılıb. Ağır bədən xəsarətləri alan H.Qafarovun həyatını xilas etmək mümkün olmayıb.
Faktla bağlı Tovuz Rayon Prokurorluğunda araşdırma aparılır.