Tovuz rayonuna dolu yağıb - FOTO

Tovuz. 23 may. REPORT.AZ/ Bu gün Tovuz rayonunun dağ kəndlərinə dolu yağıb. "Report"un Qərb bürosunun məlumatına görə, təxminən saat 17:00-dan etibarən rayonun Böyük Qışlaq, Kirən, Köhnə qala kəndlərinə düşən dolu əkin sahələrinə böyük ziyan vurub. 

Məlumata görə, doludan ən çox kartof sahələri zərər çəkib. Hazırda kəndlərə dəymiş ziyanın məbləği müəyyənləşdirilir.