"Təzə bazar"da yanğın baş verib - FOTO - VİDEO

Bakı. 4 aprel. REPORT.AZ/ Bakının Nəsimi rayonu ərazisində yerləşən "Təzə bazar"da yanğın hadisəsi baş verib.

"Report" xəbər verir ki, yanğın bazarın meyvə-tərəvəz və geyim satılan hissəsində qeydə alınıb.

Əraziyə FHN-in Dövlət Yanğından Mühafizə Xidmətinin qüvvələri hadisə yerinə cəlb olunub. Yanğın söndürülüb.

Hadisə zamanı xəsarət alan olmayıb. Hazırda bazara giriş-çıxış bağlanıb.