Yuxarı

Tərtərdə partlayış nəticəsində 23 yaşlı gənc yanıb - FOTO

Yaralının vəziyyəti ağırdır

Bakı. 8 sentyabr. REPORT.AZ/ Tərtər rayonunda 1 nəfərin ağır yaralanması ilə nəticələnən partlayış baş verib.

Bərdə Rayon Mərkəzi Xəstəxanasından "Report"a verilən məlumata görə, 1992-ci il təvəllüdlü Tərtər rayon sakini Qasımlı Alim Akif oğlu ağır yanıq xəsarətləri ilə xəstəxananın Reanimasiya şöbəsinə yerləşdirilib.

Hadisə Tərtər şəhərinin Həzi Aslanov küçəsində qeydə alınıb. 23 yaşlı gənc əlində siqaret bir qabdan digərinə benzin tökərkən qəflətən partlayış baş verib. Hadisədən ilk olaraq yaralının anası xəbər tutub.

Zərərçəkən dərhal Tərtər şəhər xəstəxanasına çatdırılsa da, vəziyyəti ağır olduğundan Bərdə Rayon Mərkəzi Xəstəxanasına göndərilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi