Yuxarı

Tərtərdə ermənilər üçün foto və video çəkilişlər aparan Rusiya vətəndaşı saxlanılıb

​Tərtərdə erməni üçün videoçəkiliş aparan Rusiya vətəndaşı saxlanılıb

313

Tərtər. 3 mart. REPORT.AZ/ Tərtərdə videoçəkiliş aparan Rusiya vətəndaşı saxlanılıb.

"Report"un Qarabağ bürosunun hüquq-mühafizə orqanlarından aldığı məlumata görə, hadisə rayonun Bəyimsarov kəndində baş verib.

Kənddə çəkiliş aparan Rusiyanın Krasnodar vilayətinin sakini İdiqov Alu Alamaxmadoviç polis əməkdaşları tərəfindən saxlanılıb. 

Araşdırma zamanı məlum olub ki, Naftalan şəhərində sanatoriyada olan İ.A.Alamaxmadoviç video və foto çəkilişlərini erməni dostu üçün edib. İ.A. Alamaxmadoviç polisə ifadəsində bildirib ki, onunla eyni şəhərdə yaşayan erməni dostu anasının Qarabağ müharibəsindən əvvəl orda yaşadığını, indi kəndi və evini görmək istədiyini deyib. O, telefonundakı xüsusi proqram vasitəsilə Tərtərə gələrək kəndi və həmin evi tapib.

Polis araşdırmadan sonra videoçəkilişləri silib, İ.A.Alamaxmadoviç bundan sonra sərbəst buraxılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi