Tərtər və Ağdaş sakinlərindən qanunsuz ov tüfəngləri götürülüb

Bakı. 28 noyabr. REPORT.AZ/ Tərtər və Ağdaş rayon sakinlərindən qanunsuz ov tüfəngləri götürülüb.

"Report" xəbər verir ki, bu barədə Daxili İşlər Nazirliyi məlumat yayıb.

Belə ki, Tərtər rayon Polis şöbəsinin əməkdaşlarının keçirdikləri əməliyyat-axtarış tədbirləri nəticəsində İsmayılbəyli kənd sakini Şükür Cəfərovdan müvafiq sənədləri olmayan “İJ-16” markalı ov tüfəngi götürülüb.

Ağdaş rayon Polis şöbəsinin əməkdaşlarının keçirdikləri əməliyyat-axtarış tədbirləri nəticəsində Ərəbocağı kənd sakini Şahmar Mirzəyevdən müvafiq sənədləri olmayan “TOZ-16” markalı ov tüfəngi götürülüb.