Tanışını bıçaqlayan şəxs məhkəmə zalında həbs edilib

Bakı. 24 noyabr. REPORT.AZ/ Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Zaman Şəfiyevin cinayət işi üzrə məhkəmə prosesi başa çatıb.

"Report"un məlumatına görə, hakim Faiq Qəniyevin sədrliyi ilə keçirilən prosesdə hökm oxunub.

Məhkəmənin hökmü ilə Z.Şəfiyev 4 il müddətinə azadlıqdan məhrum olunub. O, məhkəmə zalında həbs edilib.

Xatırladaq ki, prokuror çıxışında Z.Şəfiyevin 5 il müddətinə azadlıqdan məhrum edilməsini istəyib.

Qeyd edək ki, Z.Şəfiyev tanışı Elmin Balayevi bıçaqlayıb. Polis əməkdaşları tərəfindən saxlanılan Z.Şəfiyevin barəsində həbs qətimkan tədbiri seçilməyib.

O, Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham olunur.