Yuxarı
    Bağlamaq

    Suriyada qanunsuz silahlı birləşmələrdə döyüşməkdə təqsirləndirilən azərbaycanlı məhkəmədə ifadə verməkdən imtina edib

    Məhkəmənin növbəti iclası avqustun 15-nə təyin edilib© Report.az

    Bakı. 9 avqust. REPORT.AZ/ Bu gün Bakı Ağır Cinayətlər Məhkəməsində Suriyada və digər ərəb ölkərlərində qanunsuz silahlı birləşmələrdə döyüşməkdə təqsirləndirilən Rövşən Qədirovun cinayət işi üzrə məhkəmə iclası davam etdirilib.

    "Report"un xəbərinə görə, hakim Azad Məcidovun sədrliyi ilə keçirilən prosesdə dövlət ittihamçısı ittiham aktını elan edib.

    Elan olunmuş ittiham üzrə R.Qədirov özünü qismən təqsirli bildiyini deyib.

    Daha sonra məhkəmədə R.Qədirova ifadə vermək təklif olunub. O, ifadə verməkdən imtina edib. R.Qədirov hazırkı mərhələdə ifadə vermək istədiyini söyləyib: "İttihamda qeyd edilənlərlə razı deyiləm. Ərəb ölkələrinə yalnız insanlıq naminə humanitar yardım aparmışıq".

    Məhkəmənin növbəti iclası avqustun 15-nə təyin edilib.

    Qeyd edək ki, R.Qədirov Dövlət Təhlükəsizliyi Xidməti tərəfindən saxlanılıb. Ona müxtəlif ölkələrdə qanunsuz silahlı birləşmələrdə iştirak etməklə bağlı ittiham verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi