Suriyada partlayış törədilib, ölən və yaralananlar var

Suriyanın Afrin bölgəsində avtomobilə yerləşdirilən bombanın partlaması nəticəsində 11 nəfər mülki şəxs ölüb, yaralananlar var.

"Report" "Reuters"ə istinadən xəbər verir ki, Londonda yerləşən Suriya İnsan Hüquqlarını Monitorinq Mərkəzinin məlumatına əsasən, ölənlər arasında uşaqlar da var.

SANA xəbər verir ki, bundan bir qədər sonra ölkənin şimal-şərqindəki Qamışlı şəhərində də kilsənin qarşısında avtomobilə qoyulan bomba partladılıb.