Suriyada 48 dinc sakin güllələnərək öldürülüb

Bakı. 21 fevral. REPORT.AZ/ Suriyada Əsəd tərəfdarları Hələbin şimalında 48 mülki vətəndaşı gülləyərək öldürüb. "Report" bu barədə "Anadolu" agentliyinə istinadən xəbər verir.

Suriya Ümumi İnqilab Şurasının yaydığı məlumatda bildirilir ki, öldürülən dinc sakinlər arasında qadın və uşaqlar da olub. Eyni zamanda, Hələbin şimalında rejim tərəfdarları ilə silahlı müxalifətçilər arasında münaqişələr davam edir. Hətta qarşıdurmalarda müxalif qüvvələrlə yanaşı, Əsəd qüvvələrinin də böyük itki verdiyi deyilir.