Sumqayıtda yol qəzası nəticəsində bir nəfər xəsarət alıb

Bakı. 24 yanvar. REPORT.AZ/ Axşam saatlarında Sumqayıt şəhərində bir nəfərin xəsarət alması ilə nəticələnən yol-nəqliyyat hadisəsi baş verib.

"Report" xəbər verir ki, bu barədə məlumat Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olub.

Nazirliyin Sumqayıt Regional Mərkəzinin xilasediciləri dərhal hadisə yerinə cəlb olunaraq “VAZ” markalı minik avtomobilində sıxılmış vəziyyətdə qalmış sürücünü çıxarıb və aidiyyəti üzrə təhvil veriblər.