Yuxarı

​Sumqayıtda köməksiz vəziyyətdə qalan azyaşlılar xilas edilib

Hadisə yerinə dərhal FHN-in əməkdaşları cəlb olunub

Bakı. 23 yanvar. REPORT.AZ/ Axşam saatlarında Fövqəladə Hallar Nazirliyinin (FHN) “112” qaynar telefon xəttinə daxil olmuş məlumata əsasən, Sumqayıt şəhərində, giriş qapısının təsadüfən kilidlənməsi nəticəsində azyaşlılar mənzildə köməksiz vəziyyətdə qalıblar.

"Report" FHN-ə istinadən xəbər verir ki, hadisə yerinə dərhal nazirliyin müvafiq xilasetmə qüvvələri cəlb olunub.

Xilasedicilər beşmərtəbəli yaşayış binasının sonuncu mərtəbəsində yerləşən mənzilə təhlükəsizlik qaydalarına riayət etməklə xüsusi alət və avadanlıqlar vasitəsilə damdan enərək eyvandan daxil olublar.

Mənzildə nəzarətsiz qalmış azyaşlılar aidiyyəti üzrə təhvil verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi