Sumqayıtda kafenin yanması nəticəsində bir nəfər tüstüdən zəhərlənib

Bakı. 22 sentyabr. REPORT.AZ/ Sumqayıtda kafenin yanması nəticəsində bir nəfər tüstüdən zəhərlənib. "Report" xəbər verir ki, bu barədə Fövqəladə Hallar Nazirliyinin rəsmi saytı məlumat yayıb.

Məlumata görə, Sumqayıt şəhərində beşmərtəbəli yaşayış binasının 1-ci mərtəbəsində vətəndaşa məxsus ümumi sahəsi 100 kv.m olan kafenin 1 otağında məişət əşyaları 20 kv.m sahədə yanıb və yüksək temperaturdan lambirdən ibarət tavan 70 kv.m sahədə əriyib.

Yanğın zamanı bir nəfər tüstüdən zəhərlənib. Kafenin qalan hissəsi yanğından mühafizə olunub.

Yanğın saat 13:42-də söndürülüb.