Sumqayıtda itkin düşən qadının meyiti tapılıb

Bakı. 25 yanvar. REPORT.AZ/ Sumqayıt şəhərində itkin düşən qadının meyiti dəniz sahilində tapılıb. "Report" bu barədə Daxili İşlər Nazirliyinin (DİN) rəsmi saytına istinadən xəbər verir. 

Məlumata görə, yanvarın 24-də saat 01 radələrində Sumqayıt şəhərinin Xəzər bağlar sahəsində yaşayan Aydan Əsgərzadə evdən çıxıb, geri qayıtmayıb. A.Əsgərzadənin üzərində zorakılıq əlamətləri görünməyən meyiti həmin gün saat 04 radələrində həmin ərazinin dəniz sahilində tapılıb.

Faktla bağlı araşdırma aparılır.