Sumqayıtda avtomobil parkında yanğın olub, ölən və xəsarət alanlar var - YENİLƏNİB - FOTO

Bakı. 28 iyul. REPORT.AZ/ Sumqayıtda avtomobil parkının ərazisində baş verən yanğın zamanı xəsarət alanların kimliyi məlum olub.

"Report"un yerli bürosu xəbər verir ki, hadisə zamanı 5 nəfər: 1980-ci il təvəllüdlü Quliyev Akif Eldar oğlu, 1981-ci il təvəllüdlü Məlikov Rövşən Malik oğlu, 1951-ci il təvəllüdlü Rüstəmov Fərhad Əhməd oğlu, habelə Məlikov Musi Bəhmən oğlu və 1990-cı il təvəllüdlü Mustafayev Yanar Fərrux oğlu yanıq xəsarətləri alıblar. 

Yaralılar Sumqayıt şəhər Təcili Tibbi Yardım Xəstəxanasına çatdırılıblar. Xəstəxanadan verilən məlumata görə, yaralılardan biri - Məlikov Musi Bəhmən oğlu aldığı xəsarətlərdən dünyasını dəyişib. Digər 4 nəfərin vəziyyəti ağır olduğundan onlar Bakı şəhərindəki 5 saylı xəstəxanaya göndərilib.

İlkin məlumata görə, hadisəyə yük maşınında ustalar tərəfindən aparılan təmir işləri səbəb olub.

Hadisə yerinə FHN-nin və Sumqayıt Şəhər Prokurorluğunun əməkdaşları cəlb olunub. Faktla bağlı araşdırma aparılır.

***18:18

Sumqayıt şəhərində yerləşən avtomobil parkının ərazisində partlayış baş verib. 

"Report" xəbər verir ki, nəticədə parkın ərazisindəki 1 ədəd yük və 1 ədəd minik avtomobilində yanğın başlayıb. 

Hadisə zamanı 4 nəfər yanıq xəsarəti alıb. Yaralılar xəstəxanaya yerləşdirilib. 

Hazırda yanğınsöndürmə işləri davam etdirilir.