Yuxarı

Sumqayıtda avtobus sürücüsünü döyərək ağır xəsarət yetirən şəxs tutulub

Elçin Qasımov Namiq Yağnəliyevi döyərək onun çanaq sümüyünü sındırıb və bıçaqla xəsarət yetirib

Bakı. 20 oktyabr. REPORT.AZ/ Sumqayıtda avtobus sürücüsünü döyərək ağır xəsarət yetirən şəxs tutulub. "Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata əsasən, Sumqayıt şəhərində Namiq Yağnəliyevin 9 saylı xətt üzrə idarə etdiyi "İsuzu" markalı avtobus Sülh küçəsində hərəkətdə olarkən sərnişini, şəhər sakini, əvvəllər məhkum olunan E.Qasımov münaqişə zəminində sürücünü döyərək onun çanaq sümüyünü sındırıb və bıçaqla xəsarət yetirib.

Sumqayıt Şəhər Polis İdarəsinin 4-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində E.Qasımov tutulub.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi