Sumqayıtda 75 yaşlı qadın pilləkənlərdən yıxılaraq ağır xəsarət alıb

Sumqayıt. 6 may. REPORT.AZ/ Sumqayıt şəhərində ahıl yaşlı qadın binanın pilləkənlərindən yıxılıb.

"Report"un yerli bürosunun məlumatına görə, hadisə şəhərin 12-ci mikrorayonu ərazisində baş verib.

Sumqayıt şəhər sakini, 1943-cü il təvəllüdlü İbrahimova Reyhan Hümbət qızı yaşadığı binanın ikinci mərtəbəsinin pilləkənlərindən düşərkən yıxılıb. Qadın yaxınlarının köməkliyi ilə Sumqayıt şəhər xəstəxanasına çatdırılıb. Reanimasiya şöbəsinə yerləşdirilən 75 yaşlı Reyhan İbrahimovanın vəziyyəti ağırdır.

Faktla bağlı araşdırma aparılır.